الراجل دا بيقول كلام زي الفل: يوليو 2008

الأربعاء، ١٦ يوليو، ٢٠٠٨

نكت جديدة .. فاصل من مسلسل دلال والزلزل

اليسا وهيفاء وهبي ونانسي عجرم راكبين قطر وبيكلموا عن فارس أحلامهم

إليسا قالت : نفسي أتجوز ضابط

هيفا قالت : نفسي أتجوز صيني

نانسي قالت : نفسي أتجوز لاعب كرة مشهور

سمعهم واحد متطفل دخل عليهم وقالهم معاكوا العقيد شونج يونج الشهير بأبوتريكة

...........

واحد سباك نفسه اتسدت غرقت الشقة

.......

واحد صعيدى راح لواحد بياع تيليفزيونات بيسأله عندك تيليفزيونات ملونة البياع قال له ايوه راح الصعيدى قايله ادينى واحد أخضر

................

مرة ضابط مصري وضابط اسرائيلي دار بينهم هذا الحوارالاسرائيلي: الا قوللي يا انتم بتاكلوا ايه ع الفطار؟؟
المصري: فول بالزيت.
الاسرائيلي: طب بتاكلوا ايه ع الغدا؟؟؟
المصري: فول بالطماطم.
الاسرائيلي: أمال بتاكلوا ايه بقى ع العشا؟؟
المصري: فول بالبيض.
الاسرائيلي (بتريقة): أمال ايه الفرق بينكم وبين والبهايم؟؟
المصري: سيناء
.................

تلاته خرجوا فرحلة سفاري..واحد مصري والتاني صومالي والتالت أمريكاني..دخلوا كهف وناموا..وصحيوا بعد 300سنة!..كل واحد فيهم قام رجع بلدة..

الصومالي شغل الراديو سمع: (الصومال لن تتنازل أبدا عن حقها الشرعي والتاريخي في ولاية نيوجيرسي)

الأمريكي شغل الراديو سمع: (سيدافع الجيش الأمريكي عن البلاد لآخر جندي!)

المصري شغل الراديو سمع: (إخترناه..وبايعناه...وعشان كده احنا اخترناااااااااااااااااااه!)

........................

ما الفرق بين التليفزيون والغسالة.. ؟؟؟؟؟؟ مفيش فرق الاثنين بيستعملوا اريال ..

..........

واحد حانوتي ربنا فتحها عليه و فتح محل فكهاني..كل يوم في المحل يقعد ينادي :

المووووووز علينا حق !!!

...............

اسرائيلي حاول يغازل فلسطينية قالته روح بلاش أخليك خبر عاجل

.................

بيقولك مره واحده حامل ابنها بيقول لها: ايه اللي في بطنك ده يا ماما ؟

قالتله: ده ابني وبحبه قوي

قالها: لما هو ابنك وبتحبيه اكلتيه ليه ؟

...........

صعيدي سألوه ماهو السيفون؟؟

قال:صندوق بحبل لما تشده يا تلحق تشرب يا متلحقش

الجمعة، ٤ يوليو، ٢٠٠٨

دلال والزلزال - الحلقة الثانية

كان الشهر المبارك في ايامه الخيرة وانتعش سوق المخابز تجيزها لموسم العيد والكحك، وكانت دلال تتجهز لدخلتها المقررة اول ايام العيد، وما كاد الصائمون ان يبدؤا بالافطار في اليوم المتمم لشهر رمضان حتى على صوت ارتجاج الاطباق على مائدة دلال وابيها، واشتد الارتجاج فانسكبت اكواب الماء والخشاف، وكل ذلك بسرعة شديدة وما لبثت ان بدات دلال بالصراخ : " زلزال يابا .. زلزال" وكان صوتها خشنا مبحوحا ، حتى اذا صرخت تظنها تختنق ، وهرولت هي وابيها على السلالم ولسوء حظها تكعبلت في احد السلالم فوقعت على ذقنها واطبق فكها القوي على لسانها ..

استيقظت دلال في المستشفى وهي بالكاد تدرك ما حولها وقال لها ابيها : " حمدالله ع السلامة يا بنتي"
فردت دلال : " انا فين ؟ وانت متعورش ازاي؟"
رد ابوها :" لما انت اتكعبلت انا جريت قلت اجيبلك حد يسعفك لحسن البيت يقع عليكي"
قالت دلال : " انت بتهرج يابا؟ ثايبني مغمن عليا والبيت بيوقع ورايح تشوف حد يثعفني؟ ما كنت تشلني وتنجز ... والبيت حصله ايه صحيح؟
رد ابوها : " ولا حاجة البيت زي الفل"
دلال :" ايه اللي انا بقوله ده؟ تثعفني؟؟ لااااااااااااااااااااااااااااه .. انا بقيت لادغة؟ مبقتش اعرف اقول ثين؟؟ .. اهئ اهئ اهئ"
وطبق الصمت على المكان لمدة قصيرة ثم قالت دلال : " دلوقت اثتحالة المعلم وهدان يبثلي.. والجواذة باظط"
رد ابوها :" وهو يعني المعلم فصيح اللسان؟ مهو هو كمان الدغ في الره وفيش جملة يعرف يكملها من غير ما يجيب الحرف دا فيها"
ردت دلال : "طب هو المعلم عرف يابا؟"

.... تو بي كونتينيود