جميع الالعاب موجودة بالموقع فقط قم بالبحث عن اللعبة التي تريد

القطار الهائج ... متعيطش يا عياط

بيقولك قطر خد حبتين فياجرا *** اللي قدامه ...

دي مش نكته
دا اللي حصل فعلا فالعياط .. القطر الجديد الازرق جاي ثائر قام ركب على القطر القديم اللي كان واقف بسبب البهايم

اه فعلا البهايم
مش البهايم اللي انت بتفكر فيهم لا
السبب كان جاموسة

مفيش شهر ع الاعلانات الي كلت دماغ العالم وقبض فيها وائل نور هبرة حلوة.. وكل شوية واحد يمسك رجل واحد وواحد يمسك قفا مواطن .. عشان مفلسع من التذكرة...

مع القطورات الدبابة .. العزم حديد ... والجثث هتزيد .. وسلملي ع الشيفورليه

اللي منرفزني فالحادثة دي ان ممكن لمبة كانت تمنع الحادثة
معروف فكل حتة العربة الاخيرة بيقا فيها لمبة عشان اللي حصل دا
لو جاي من على بعد كبير يشوف لمبة يعرف ان فيه قطر متنيل واقف ولا عطلان

والناس فالاخر تطلع تقول اسرائيل عمللنا عمل.. واكتوبر مبيعديش غير لما تبقى فيه نصيبة .. مش واخدين بالهم ان المصايب طول السنة

عشان المصري اللي على حق ... يقول للبقر لا

لازم يعملوا بقى اعلانات للجاموس عشان ياخد بالو وهو بيعدي المزلقان
ويجيبوا كدا الجاموس بيمسك فبعضو ...

والجاموسة اللي على حق .. متعديش فالمغربية ع المدق ...

وجاموسة راحت تقابل جاموسة يا عيني يا ليلي .. ملقتهاش جموسة يا عيني لقيتها مسؤولة ... يا عيني عن حياة البشر
:(